Monday, June 9, 2008

أعزائى المدونين والمدونات


اولا .....لازم نتفق انى بحبكم جدا جدا جدا

ثانيا......لازم اقولكم فالبداية سبب البوست دة!!!!!

اقتراح من مدونة جميلة ورقيقة جداا انها تعمل مدونة لتعريف المدونين من البنات على الولاد يمكن يحصل نصيب لأننا فئة المدونين ودة رأيها عندنا عقلية وفكر مختلف وجرأة فى معالجة الأمور وبنشترك فحاجات كتير سوااااااا يبقى لازم الأرتباط يبقى داخلى كمان ونجوز كل شهر اتنين هههههههههه

دة يعنى فحالة لو لمنالهم تبرعات نظرا لحال الشباب اللى لايسر عدو ولا حبيب هههههههههه

ثالثا الفكرة عجيبتى ودفعتنى اكتب البوست دة وطبعا الموضوع ممكن يبقى شائك بس لازم نعترف اننا فعلا مختلفين زى كدة العمالقة فرحلات اليس فبلاد العجائب العمالقة يتجوزوا بعض والاقزام يتجوزوا بعض وبما اننا من العمالقة فلية منعملش كدة برضة

ممممممممممممم على رأى احمد سكر ربنا يرجعة بالسلامة لبيتة وولادة وحشتنا ياابو حميد

مممممممممم دى بتاعتة متخدوش فبالكوا دة تهييس منى

المهم

رابعا .........الفكرة على قد جمالها بس صعبة التحقيق لظروف المجتمع والبيئة برغم انها عقلانية وصح قوى بس طبعا أرائكم تهمنى وللمدونة صاحبة الفكرة اسفة حقوق الملكية الفكرية ليكى

خامسا .........برغم انى موافقة على الفكرة بس انا هخلع منها يا صحابى المدونييين لأنى

صحيح مش متجوزة

بس وبالصوت الحيانى مطلقة هههههههههه

ولما اختار لازم يكون يا اما مطلق او ارمل وفوق 40 )

ودى دعوة لو لقيتوا واحد بالمواصفات دى انا موافقة من غير ما اشوفة بس يكون عندة 4 عين )

ههههههههههه برضة دة تهييييسسس

سيبنا بقى من الفكرة دى

خامسا ................ دى لية اناااااااااا

.اللى هقولهالكوا

بالنسبالى انا فلاحة شرقاوية

بضحك اهزر ماشى

اتصل بصحابى نتقابل اوك

شباب بنات عادى فية مساواة

نسافر رحلات نخرج اة بس بشروط

ولادى معايا عشان انا بحبهم جدااااااا وبحس بالذنب لما بخرج من غيرهم برغم


انهم اندال وطول الصيف مع باباهم بيلفوا مصر وبرة مصر من غيرى والبسبور بتاعهم اتملى وانا قاعدة اتفرج

والبت الغلسة اللى واقفة فطريق مستقبلى بطولها وعرضها لولو بتطلعلى لسانها كل ما تسافر مكان جديد هى وصاحبتى مرات ابوهاا

اة والله صاحبتى

مش بقولكم شرقاوية عبيطة

المهم

والكلام دة طبعا للهانم بنتى

لكن فعلا اتعودت اتفسح معاهم

ولذا

نحن نقبل التبرعات للرحلات جملة مش قطاعى ههههههههه

برضة لما بخرج مع صحابى لازم نكون جروب واحد اصلى يا جماعة حلوة وصغيرة وحاسة بنفسى كدة وبخاف من الفتنة والمدونين الرجالة كلهم بسم الله زى القمر ورجالة بجد ومحترمين وممكن الواحد انا طبعاااااااادماغى تروح كدة ولا كدة وانتوا طبعا سيد العارفين

مطلقة بقى ومستنية العدل وبدور علية

بس اةةةةةةةة ينفع حد ياخد البت بنتى دى لفة لما اعرف اتنفس وافضفض معاكوا شوية

مش نافع يارب سنتين كمان واجوزها يارب

نرجع تانى

ههههههههههههه

بس لو البت لولوبنتى دى تقصرشوية يالا نصيبى هههههههههه

كمان بحب اللى حواليا يكونوا صادقيين معايا جدااا

يعنى لو عريس كدة مثلا فوق 40 ووسيم وعندة 4 عين

ميترددش ابداا يقولى هههههههههههههههبس

يكون شرط عندة ابن فالثانوية

عشان البت بنتى اللى قاعدة دلوقتى تخبط فية

كمان لازم الكل يعرف والحاضريبلغ الغايب

انى هتخانق مع اى راجل متجوز الاقية بيبص يمين او شمال فوسط القعدة كأنى مراتة او حماتة او المدافع الاول عن الستات المهضومين من رجالتهم المدونيييين

حاسة بالقلل بتتخبط فوق راسى على رأأى ابى الجميلة

اة ابى على

فكرة

اسلام برة الشروط دى كلها دة شرقاوى زىى ههههههههههه والشراقوة اولى ببعض

اة بس لو مكنش صغير يالا ملحوقة ههههههههههه ففرحك نبقى نشوف باباة

بحبكم جدا جدا جدا وبتنمالكم كل الخير والأمان

والسعادة فحياتكم وتفرحوا كلكم بولادكم وتشوفوهم زى ولادى اللى قاعدين جنبى زى هناء وشيرين هههههههه

وواقفين حالى بطولهم وعرضهو وحبهم قولوا امين

الصداقة اغلى شئ فالوجود ولأن صديقك من صدقك

انا بقولكم فالخباثة كدة

مطلق او ارمل

فوق 40 ووسيم وعندة 4 عين وابن فالثانوية

قولوا امين

اميييييييييين

30 comments:

Unknown said...

امييييييييييييييييييييين
لكل السامعين
انزل يا واد يا حمصه هنا بالشربات على حسابي

الطائر الحزين said...

كيف حال حضرتك

كنت بفكر اعمل حاجة اننا نوفق راسين فى الحلال

كل واحد يبعث مواصفاته فى العروس وهى تبعت مواصفاتها فى العريس

ونوفق

يمكن يحصل نصيب


وفقك الله لما فيه الخير
وأقر عينك باولادك

كـــيــــــــارا said...

الفكره حلو جدا
لكن تفتكري ينفع تتطبق
اكيد صعب

د/اجدع بنوته said...

الفكره جريئه جدا

اما بالنسبه للـ 4 عين فتحت امرك

بس انهى 4 عين

عربيه - عزبه - عياده - عروسه

ولا ال 4 عين

عايز يتجوز ومش عارف

عاله ع ابوه وامه

والبقيه تأتى

هههههههههههههههههه

ربنا يكرمك يارب ويفرحك باولادك

كلاكيت تانى وتانى said...

لماضة يا عسل طب الشربات موجود والعروسة موجودة والعريس مش موجود ينفع ؟؟؟؟
يابنتى انا بقول فالخباثة فالخباثة احسن خطيبى يعرف وتبقى حوسه
هههههههههه نورتينى

كلاكيت تانى وتانى said...

الطائر الحزين
بجد الفكرة حلوة بس مجتمعنا اللى لسة مطفطمش وغاوى مسميات على الفاضى من غير حلول
مطلقة وعانس و........الخ
ولا حلول منطقية لمشكلة العنوسة اللى زادت
وياعزيزى ان المجتمع هو الذى يصنع امراضة ولا حيلة لنا سوى الصبر ومحاولة التغيير ان امكن
وياليتنا نستطيع
ع العموم لو حبيت تنفذ الفكرة عندك المواصفات اللى عاوزاها بس متنساش الثانوية و4 عين
نورتنى

كلاكيت تانى وتانى said...

نيمو النت مليان مواقع للزواج بس الموضوع اننا احنا المدونين دماغنا عاوزة الكسر وخصوصا الستات مننا اصل الموضة ياحبيبتى ان الرجالة عاوزة الست الغبية الهبلة مش المفتحة زى حالتنا وتعالى شوفى خطيبى مجنننننننننننننننى
يارب تنفع
نورتينى ومتحرمناش من زياراتك

كلاكيت تانى وتانى said...

والله يا اجدع بنوتة اختى ليها رأى فالموضوع دة بس بلاش يتقال خلية بين قوسين اصل ارجالة اللى همة رجالة بقى تصنيعهم قليل فالستات اللى همة ستات بقم رجالة ولا عزاء للزواج واهلا بالطلاق
اما بخصوص العريس بصى ممكن ال 4 عين فالاول يبقى عربية ووو الخ وممكن تنتهى ب العالة على ابوة
الدنيا من حال لحال
بس لو لقيتى المواصفات بتاعتى ليكى الحلاوة والأجر والثواب على الله
تحياتى ونورتينى يا شرقاوية

Empress appy said...
This comment has been removed by the author.
المـــفـــــــقــــــــوعـــــة مــرارتـهــا said...

علي ضوء التعليقات اللي هاتجيلك هانشوف ان كنا ننفذ الفكرة ولا لأ
والقرار قرار القراء

tamer.sala7 said...

يعني سيبك من اي حاجة
ومن اي حد من المرضي المنفسنين
بس مش متخيلة ان الفكرة دي نموزج لجواز الصالونات ؟؟

وتغتكري ممكن تلاقي قبول من الطرفين ؟

ولو الفكرة لاقت قبول تفتكري حد عنده امكانيات انه ينفذها

اشــــك

رئـــــيسـة حزب الأحلام said...

بصى انا معاكى فى الفكرة دى
بجد دى هتكون مساهمه مننا لحل مشاكل مستعصيه
لمجتمع صعبت فيه طرق التعارف السليم
وبجد ربنا يوفقكم
وهى دى الافكار ولا بلاش
تحياتى للجميع

كـــيــــــــارا said...

ياريت الطريقه تنفع ياقمر
اصلا ياقطه الراجل بيقلق من الست اللي دماغها شغاله مش بيعجبهم ده بيقلقوا منها

وياريت الفكره تنفع ياقمر

•√أريـ السمر ـج√• said...

ربنا يبارك لك فى اولادك يارب

بلاش اربع عيون دى علشان حاسة انك بتتكلمى عن يونيفرسال :)


الفكرة جميلة طبعا .. لكن أنا عن نفسي عندى قناعة أن الزواج لازم يكون بين طرفين ما يقدروش يكملوا الحياة بدون بعض .. لازم حب و حالة من الذوبان و العشق تخبطهم الاول و ما يدروش غير و هما ببيت العدل :)


انما مواصفات و طلبات بشعر انهم كده حيحجزوا سيارة مش زواج


لكن طبعا ممكن تكون مناسبة للمرجحين للزواج التقليدى

بكل الاحوال بالتوفيق ان شاء الله

دمتي بكل ود و خير

Dr. Eyad Harfoush said...

عزيزتي كلاكيت

الآن حصحص الحق و عرفت ليه باشعر بخفة ظل و سلاسة في حديثك، لان حضرتك شرقاوية، و على فكرة و اقولها للملأ ، الصعايدة ما تحت المنيا و الشراقوة عدا أبو كبير هم برأيي الغلبان، و بدون تعميم لان للقاعدة دوما الف استثناء، من افضل العناصر البشرية بهذا البلد، ليه ماعرفش

عن فكرة مدونة الزواج ، الفكرة جميلة و اسمحيلي اقترح بعض حاجات علشان المدونة ماتتقلبش مع الوقت لحاجة تختلف عن الرؤية الطيبة لمن صنعوها

أولاً : التوثيق

فيه كثير مواقع زواج، بتتقلب لمواقع تهريج، بسبب الكذب و التدليس، ، لو المدونة من خلال متطوعين عملت مقابلة مع من يرغب في التسجيل ، و شافت بطاقته، متزوج و لا عازب، و لو مطلق ، قسيمة الطلاق، ما يثبت مهنته، و ما يثبت عنوانه .....الخ ، هتكون قدمت شيء جديد جدا، الجدية ، و اقتصار الموقع على الجادين فقط

ثانيا: الشخصيات الحقيقية
كده خبط لزق من غير اسم مستخدم و لا هوية مجهلة، اللي عاوز حلال ربنا، يداري نفسه ليه؟ ست او راجل، لازم نتعود ان الصح مافيهوش عيب ، و ان احتياج الفتاة و الفتى لشريك حياة حق رباني، فلم الخجل؟

ثالثا: الموقع يشمل فقط الزواج الدقة قديمة، لا عرفي و لا مسيار و لا هبة و لا دعاء و لا سماح....الخ أنكحة الجاهلية اللي رجعنالها دي

رابعا: باب الشكاوى، علشان اي كذاب او مخادع ، كذابة او مخادعة، تبقى تتشال من الداتا بيس

انا بعد ما كتبت الكلام ده، لقيتني باحجر على حرية ناس ناضجين، بس هانعمل ايه؟ الكذب و الضلال بقى شايع جدا، و العلاقات الشبكية قليل منها ما ينتهي بخير، لا اعلم؟ انت ما رايك؟

اسكندراني اوي said...

يعني دلوقتي انا مش فاهم
يعني الموضوع ده يمشي معايا ولا ايه
دبريني الله يكرمك
ههههههههههههههههه

ثانيا جميل وصفك لاولادك ربنا يخليهملك ياااارب

الـسـيـدة نـون said...

نيرمين الجميلة
ام الجميلة لينا
بصى يا سيتى
اوزلا انا تصلت بيكى بس انتى ماردتيش وانا بصراحة مخدتش غير نمرة واحدة يوم الجمعة يعنى مخدتش النمرة التانية من لينا
الحاجة التانية انا كنت عايزة اعرف انتىعايزة اى نوع من الاجهزة
وعايزاها كام حصان
وهتاخدى تقريبا كام جهاز
علشان بس اعمل الحسبة وابعتهالك بالتفصيل الممل

نيجى بقى لموضوع البوست
تصدقى يا نيرمينا
انا من فترة كنت عايزة اعمل حاجة كدة
انى اعمل بوست اكتب فيه عن المدونات والمدونبين غير المتزوجين ونحاول نوفق راسين فى الحلال
بس للاسف اغلب المدونين الرجالة لسة شباب وبيكونوا نفسهم ومش بيفكروا فى الجواز دلوقتى الا بعد ما يعملوا قرش

ويايبنتى انتى مش محتاجة تعملى اعلان عن عريس ليكى
انتى العرسان تيجى لحد عندك
مش بهرج والله
انتى انسانة محترمة ومهذبة وواثقة من نفسك
وجميلة بسم الله ماشاء الله
يعنى العرسان هتيجى لحد عندك وتتحايل عليكى كمان انك توافقى عليهم

ربنا يسعدك يارب
وتحياتى ليكى وبوسيلى لينا
اختك خيخة

بحبك يامصر said...

اول زياره ليا عند حضرتك ربنا يخليلك ولادك ويخليكى ليهم
بالنسبه للفكره انا شايفها صعبه جدا وما اخاف منه لو حدث ونفذت هذه الفكره ان يتخذ اصحاب النفوس الضعيفه ممن يهاجمون عالم التدوين والمدوننيين يتخذ من هذه الفكره زريعه للهجوم على المدونيين واتهام المدونيين والتدوين بأى شئ سهل اتهامنا به وقتها وهذا رأيى البسيط واشكر حضرتك وكل من علق
تحياتى

كلاكيت تانى وتانى said...

دكتور اياد
الفكرة ليست لى بل لمدونة حماتى ملاك وهى كانت قد لاحظت ان الفتيات من المدونات لديهم العقلية والثقافة ولديهن يضا العديد من المشكلات فى اختياراتهم الحياتية ولا يستطعن التوافق مع اة كان
وانا اعتقد ياعزيزى ان المصيب لا مفر منةسواء بالنت او المواقع او لو الواحد قافل علية مية باب زيي كدة ههههههه
وشكرا لحضرتك جداااااا على رقتك فموضوع الشراقوة وفعلا الكوابرية صعبين جداااااا احنا الشراقوة غلابة وطيبين وملناش فالهواا ما احنا عزمنا القطر صح
بالنسبة للتدليس للأسف عندك حق مطالبة الفتاة بزوج مناسب اصبحت عيب وحرام واذا حاولت البحث عنة تجد مئات من الكاذبين لذا فلابد من التغيير لن نتقدم الا اذا غيرنا مفاهيمنا العقيمة وتعلمنا ان الدين اخلاق وسماحة وحب وصدق ووضوح وبساطة واننا ابتعدناااااا كثيرا عن كينونتنا فضعنا وتهنا وما عدنا نبصر اى طريق
وتعال يا عزيزى شوف الهجوم على الجربو وهذة المسوخ التى تبطل اى تفكير عقلانى او مشاركة حقيقة نحو الصواب والعقلانية وتعود بنا لتميش المرأة وتحويلها لمتاع مطلق
لابد من التغيير وان لم يحدث فلا حل ولا فرار من الانفجار وسيحدث يوما وقانا الله شرهذا اليوم
نورتنى
فين المقال انت اية كوابرى هههههههه
تحياتى

كلاكيت تانى وتانى said...

اسكمدرانى موضوع اية ياعم وحبيبتك واسكندرية والعيال اللى فالطريق
فية حاجة غلط انا شيفة صوتى بيعلى اهوة وبيوصل لاسكندرية احذر اللى فبالى ههههههههه
ربنا يديم عليك الامان والزواج السعيد
تحياتى

كلاكيت تانى وتانى said...

بنت خيخة واى كلام
يا قمرى انتى اخبارك اية تلفونك مش معايا ياقمر والله وانا مبردش على نمر غريبة سيدة اعمال بقى ولية معجبين ههههههههه هشوف نمرتك مع حد واتصل انا بيكى اما عن العرسان فخطيبى موجود وفية كل المواصفات بس اهو برضة الاعان ميضرش يمكن هههههههه
الاقتراح دة كان من حماتى ملاك ومستنين باقى الردود ونعمل مشروع جواز بقى وناخد نسبة هههههههه
نورتينى

كلاكيت تانى وتانى said...

بحبك يا مصر
تعرف لو كنا بننتبة لاصحاب النفوس الضعيفة عمرنا ما كنا هنتقدم خطوة واحدة لقدام
تحياتى ونرورتنى ويارت متبقاش الاخيرة

كاميليا بهاء الدين said...

والله الفكرة جميلة جدا جدا

انا احييكى عليها

واحييكى كمان انك عرفتينى بيكى اكتر من خلال البوست ده

ربنا يارب يوفق كل المدونين والمدونات يارب

ويسعد قلبك الجميل


تحياتى وحبى

كلاكيت تانى وتانى said...

مبروك يا كاميليا الف الف مبروك ويارب يديم عليكى السعادة دايما تسلمى بس هى مش فكرتى دى فكرة حماتى ملاك
نورتينى يا قمرى

كلاكيت تانى وتانى said...

tamer
تامر صلاح
نورتنى يا عزيزى الأفكار تبقى مجرد افكار ولا يمكن تحليلها او معرفة صحتها الا عند تنفيذها واقعياااااا
نورتنى

كلاكيت تانى وتانى said...

المفقوعة مرارتها
التعليقات عندك ولك التصرف ينفع ولا لا وانا معاكى فكل الاحوال ههههههههه
نورتينى

مدحت محمد said...

عريس تفصيل او عروسة تفصيل

لا الفكرة مش تمام الصراحة

كلاكيت تانى وتانى said...

مدحت محمد
الزواج لا يمكن ان يكون تفصيل فالزوجين يكمل كلاهما الأخر ياعزيزى
نورتنى سعيدة بمرورك

zahra said...

فكرة برضو
و بكرة فى إعلانات الزواج نشوف إعلان بيقول
مطلوب عريس مدون اسمر طويل القامة يقدس الحياة التدوينيه يرغب فى الزواج من مدونه طيبه تمتلك مدونه ذو طابع سياسى
و على من يرغب فى التقدم ان يرسل ايميل يحتوى على عنوان مدونته و اهم المواضيع التى دونها
ههههههههههههههههههههههههه
ياريت كانت بالسهوله دى

بنت الاسلام said...

اميييييين



ربنا يخليلك ولادك ويفرحك بيهم ويباركلك فيهم


وبصراحة رغم جراءة فكرة صاحبتك

الا انه يابخت من وفق راسين في الحلال


جايز تكون حل لظروف سيئة بنمر بيها


تحياتي