ابلة ميرمين ابلة ميرمين
ايوة ياام السيد
البقاء للة فخالك
شكرا ربنا يخليكى
عاوزة اقولك حاجة
قولى ياام السيد
لا بس تعالى قربى منى فودنك يعنى
ها عاوزة اية قولى انا رايحة العزا
انا دعيت انبارح الفجرية والنهاردة الصبح سمعتهم فالسويقة بيقولوا ان العيش والسكر والزيت هيغلوا تانى انا قلتلك ياابلة ميرمين ربنا غضبان علينا قوى تعرفى والله الحكومة غلبانة احنا وحشين وحشين قوى ياابلة مع بعضياتنا صدقينى
ماشى ياام السيد انا مش هعرف اقنعك بس لما افضى هنقعد سوا نتكلم
طب حاجة كمان
اية قولى فسرى اردد انا اللى جبتة لنفسى
هوة اية الفيسبونك دة اسم سجن دىولا شتمة ولا اية
مين اللى قالك ع الكلمة دى
الواد ابنى لما قلتلة انى دعيت ع الحكومة قاللى اوعى ياامة تكونى انضميتى للفيس بونك اية دة ياابلة
ام السيد هروح العزا وبكرة هنقعد وافهمك سلام
سلام يا ابلة بس والنبى اوعى تكونى انتى من بتوع الفيس بونك الواد ابنى بيقول دة خطر قوى واحنا بنحبك
سلام ياام السيد
سلام يا ابلة
Falling hearts Here
Historical Abraha
12 years ago
15 comments:
هههههه
الفيس بونك
و الله تسمية لطيفة
البت أىبى فى كوكبها مسمياه الفيس بوؤ
جميل ان الحكاية واصلة للناس البسيطة دى أى كان درجة الفهم ضعيفة
و الأجمل إنها بتسألك و خايفة عليكى و بتعزك كدا
إبقى سلميلى عليها و مستنيين البوست اللى هتشرحيلها فيه النظام إيه و رد فعلها هيكون أزاى ؟؟
و شكرا على مجاملتك الجميلة و تغييرك للفونط كلك ذوق كعادتك
الحقيقة سهل فتح الصفحة أكتر
و تحياتى الخالصة ليكى من كل قلبى
اولا كدة فهمت ان خالك توفى
الف رحمة عليه
ويدخله فسيح جناته
ثانيا
الفيسبونك
ههههههههههههههههه
قللها دى كلمة ابيحة وميصحش حد يقولها
تحياتى ليكى
ومستنين نعرف عملتى ايه مع ام السيد
سلام
اختك خيخة
اولا تعازينا
ثانيا احنا زعلانين ليه من الفيس بوك يمكن علشان احنا مش متعودين على المجتمعات المفتوحة
ثالثا :امانة يا شيخة تسلميلى على ام السيد ضرورى
تحياتى
عمرو
الفيس بونك والله ام السيد دي عسل
بلاش تفهميها احسن خليها كدة لا تروح تعمل جروب هي راخرة
البقاء لله مرة اخرى
تحياتي
ه ابله مرمين يا لهوى على الاسماء
اها قولى لها الفيس بونك ده كلمه قله ادب واخرجى من البوؤ ده بقى
المهم خالك ايه البقاء لله مش تقولى يا ابله مرمين ولا ايه
يااااااادى الفيس بوك الى مغل الناس كلها
بس صحيح الحكومة غلبانة يا ابلة ميرمين احنا الى وحشين و مفتريين
فاتيما الرقيقة العفو ياحبيبتى انتى تأأمرى بس الناس دى دنيا لوحدها لا تتعبى ولاتزهقى من الكلام معهاهم ودول متعتى الوحيدة هنا بجد البساطة والتفكير المتوكل دائما مريح لهم واحيانا لى
تحياتى
والله هى كل اللى عملتة هزت راسها ولا فهمت حاجة من شرحى اللى هنزلة فبوست قادم اصلى عملت زى اينشتاين وهوة بيشرح الذرة لساقط ابتدائية
تحياتى
والله هى كل اللى عملتة هزت راسها ولا فهمت حاجة من شرحى اللى هنزلة فبوست قادم اصلى عملت زى اينشتاين وهوة بيشرح الذرة لساقط ابتدائية
تحياتى
التعليقيين اللى فاتوا لبنت خيخة وشكرا ع العزا الف شكر ونورتينى بجد
انسان بلا عنوان
هسلملك عليها بس هقولها عمرو عشان لو سمعت عن انسان بلا عنوان ممكن تطب ساكتة
تحياتى
any one
عزيزى لا هى لا هى فاهمة يعنى اية جروب ولا ليها فكل دة خالص
شكرا ع العزا غفر الله لك ولنا
كلمة بسيطة
انا من النوع الواضح والواضخ جداااااا وياريت توقع بأسمك الأول لأنى بكرة ارد ع لا احد زى التعبير بالنجليزى نى ون ماوس بيقول
شكرا لك لتشريفك
اسفة جدااااا يا عاشقة النقاب انا تصورت انك بتوقعى بلا احد قريت مدونتك تحياتى لك
ابى الجميلة
ياحبيبتى والله انا حبيت كلمة ابلة ميرمين اكتر من اسمى اصلها بتطلع تلقائية جداااااااا وبسيطة منها وفيها من الحب والخوف علية الكثير والكثير
تحياتى
عاليا حليم
يا رائعة الحس والمشاعر نورتينى جداااا ووحشتينى جدااا فعلا احنا اللى وحشين فبعض بلاغه التعبير وبساطة المعنى
تحياتى
Post a Comment