أول تاج وياريت يكون أخر

لو قالولك اختار عصر من عصور مصرعلشان تعيش فيه تختار اى

‏عصر و فى عهد اى حاكم واشمعنى؟

أختار عصر الرسول صلى الله علية وسلم وخصوصا ايام وجودة فالمدينة المنورة

لأنى ساعتها هحس فعلا أن فية حاجات كتير ممكن أتعلمها وقدر هائل من التسامح والحب ممكن اعيش فية

اول ‏اولويه فى حياتك عيلتك ولا شغلك ولا اصحابك؟

أولادى اولادى اولادى اولادى

ايه اكتر ‏حاجه بتحبها فى رمضان؟

صلاة التراويح

اوصف ليا ‏اجمل فطار ممكن تفطره

اى افطار اكون فية مع ناس بحبهم وبيحبونى بجد

لو انت ‏حاكم على مجموعه من الافراد هتكون عادل؟؟ طب هتعمل ايه عشان تتأكد انك حاكم عادل؟

هتكلم مع كل الناس واسألهم رأيهم فية زى ما كان الفاروق عمر بن الخطاب بيعمل رضى اللة عنة وارضاة

مين ‏أكتر اعلامي مصري بتحترمه؟

أى أعلامى بينقل الصورة بصدق ودون تحيز ودون اى اعتبارات شخصية

لو ‏ممكن تشتغل شغلانه تانيه غير اللى انت بتشتغلها او كنت بتشتغلها كنت تتمنى تبقى ايه ؟

معرفش يمكن انا اصلا أشتغلت كل اللى بحبة زوجة وام وسيدة اعمال ومحاضرة ومذيعة وحتى بيبى سيتر

مسبتش واللة

ايه تانى بلد تتمنى تعيش فيها بعد ‏مصر؟

الريف الأنجليزى وبخطط أنشاء اللة أزورة السنة الجاية

اوصف ليا ‏ترتيبات اجمل فرح ممكن تحضره

فرح كل اللى يحضرة يخرج منة وجزء من الهموم اللى جواة راح عن طريقى أو عن طريق غيرى المهم أنى أرتب أن الكل يخرج مبسوط والاقيلة فمشاكل حياتة حل

بتراعي ‏كلام الناس والقيل والقال؟ لو اه او لو لا قول لى ‏ليه؟

انا لو كنت ببص للناس فالقيل والقال كنت زمانى انتهيت نفسيا من زمان

انا بس بحاول اعمل اللى يرضي اللة ويرضى ضميرى وأنسى الناس ودايما بفتكر جحا اللى فالأخر شال الحمار هوة وأبنة هههههه

صحيت من النوم ما لقيتش الموبايل ولا الكمبيوتر ولا ‏الكاميرا الديجيتال ولقيتنا ‏رجعنا لعصر الحمام الزاجل والاحصنه هتكون سعيد؟

ياةةةةةةةةةةةةة اجمل شئ فالدنيا دانا بسيب الموبيل مخصوص قال يعنى ناسية وانا نفسى ينتهى من حياتنا خالص

اما الكمبيوتر فبيقرب الناس اللى بعيد عن بعض بس المشكلة انة بيبعد الناس القريبين من بعض

والكاميرا برغم انها بتسجل الحدث بس بتمنع العقل انة يعبر ويتخيل اللى انطبع فالذهن عن نفس الحدث

اما الخيل فدة متعتى الخاصة والحمام دة هوايتى وهواية ابنى

السعاده ‏هى؟

راحة البال والستر

عندك أمل ‏؟؟ أسبابك ؟

طول مافية نفس فية أمل

امتى ‏أول مره خدت فيها نفس طويل كده وقلت بينك وبين نفسك يااااه الظاهر انا فعلا ‏كبرت؟

برغم انى لسة صغيرة بس لما بشوف بنتى طولى وأجمل منى بقولها واضحك

لما ‏بتعمل عمل خيرى بيكون ايه هو دافعك الاول؟
حب اللة والقرب منة وأن أرى السعادة ع وجة كل من يستفيد منة
بتشرب ‏سجاير؟ لو الاجابه اه ايه شعورك لو شفت ست بتشرب سجاير؟ وليه
لا مبشربش وبعتبرها نوع من الضعف وعدم قدرة ع تحدى الحياة وصعوباتها

من حسن أسلام المرء تركة ما لا يعنية !!!!!!!!!!!!ا
بتعرف ‏ايدك اليمين من الشمال ازاي؟
جيت ع الجرح من وانا صغيرة وعندى مشكلة لما حد يطلب منى اعمل حاجة بايدى اشاور وكأنى بكتب عشان اعرف اليمين من الشمال فوبيا او عادة اللة اعلم!!!!!
ايه اكتر ‏اله موسيقيه بتحبها ؟ ؟
العود وبعزف بسيط علية
فى رأيك ليه الذوق والنخوه ‏اتعدموا؟
ممكن أغير السؤال ؟؟بيتهيألك

لية الرجولة بمعناها الحرفى والكرم والطيبة وصدق الحديث وحسن المعشر أ،عدموا الا من قليل

هذا مثل ذاك
ايه ‏الحاجه اللى لو حصلتلك تبقى سعيد قوى؟؟؟
ربنا يبعد عنى من لا يخافة ولا يرحمنى
تختار ‏يبقى عندك...ارض زراعيه ولا اجنس عربيات و لا كام عماره و لا فلوس فى ‏البنك؟؟؟؟
ولا حاجة اختار الستر ويباركلى فولادى والصحة بس

البحر و ‏لا النيل؟؟؟
البحر البحر البحر
مركب و ‏لا طياره؟؟
مركب بشراع ابيض بس مركبهاش عشان بخاف من البحر موووووووووت
مجنون و لا ‏عاقل؟؟
الجنون نوع من الجمال وعلامة الشباب ومرحلة لابد منها أما العقل فرزانة لابد من الوصول اليها
تقرأ ‏كتاب و لا تتفرج عليه فيلم؟
القراءة متعتى الخاصة والوحيدة والأفلام دى أستثناء وفالسينما بس لكن لو كان فيلم فية مناظر طبيعية أو بيوت راقية قديمة يبقى هتفرج علية وأمتع عينية بجمال ورقة الأماكن فى التصوير

تمرر التاج دة لمين ؟؟

وحدانية

فوضى الحواس

يامراكبى

حواديت بنات محتارة