هوة ممكن حد يتجنن من الأسعار ؟؟؟؟؟؟؟
أظن أن معظم الضغوط العصبية والنفسية ومشكلات الحياة اليومية بين الأزواج سببها أرتفاع الأسعار
لأنى أنا اليوم شخصيا برغم أنى هادية جدا وبحاول وبقول فعلا بحاول أكون رومانسية جدا جدا عشان طعم الدنيا يبقى يعنى أهو مسكر شوية ولونها بمبى شويتين
بس بجد النهاردة كنت هطق واتجنن
الأسبوع الجاى رمضان مع المدارس وفكرت أنى أخرج الولاد معايا نعمل شوبنج ونشترى حاجات المدارس (أنا بخرج معاهم بس فى الفسح أم المشتروات كنت بديهم فلوس وهمة يتصرفوا)
بس للأسف خرجت معاهم وهاكم المصاريف والمشتروات
50 مواصلات لخوفى من السواقة وهمة معايا
قلت مش مشكلة
20 دستة كراريس وقلمين كوريكتور
كلام هايف برضة مش مشكلة
10 طرحة شيفون لسة عاوزة تحتها طرحة كمان
عادى رخيصة يا مامى
اوكى يا حبى مش مشكلة
130 طقم بناتى مدرسة
كتير بس عدى
150 شنطتين مدرسة
ههههههههه ماشى بنفس طوييييييييييييييييييلللللللللللللللللل
مامى مامى
لسة الأقلام والمقلمات والمساطر والأكلسيرات وبقية الأدوات المكتبية
ولسة الكوتشيات والشرابات والجواكت لون طقم المدارس
موبيلى يرن
دقيقة يا ولاد
والدتى
متنسيش تجيبى حاجات رمضان معاكى أنا مش فاضية اشتريهم !!!!!!!!!!!!!!؟
نظرة ع الأسعار وزحمة الشوارع وتدافع الناس
حبايبى
هنروح النهاردة وكفاية كدة
وبكرة هدى تيتة فلوس وأنزلوا هاتوا معاها كل حاجة
أنا لا عاوزة أعرف الأسعار كام ولا صرفتوا كام
عارفين مكان الفلوس خدوا وخلصوا مشترواتكم
وكل سنة وأنتم طيبين
أعود للبيت مسرعة وأغلق على بابى
أفتح موسيقى هادئة أشعل شمعة واحدة
وأغمض عيونى وأحاول النوم متناسية اليوم كلة
رمضان المدارس المدارس رمضان المصاريف
ياربى دة كابوس ولا حقيقة أزاى الناس عايشة
اللة المنتقم الجبار
Falling hearts Here
6 comments:
اليوم 7 فى الشهر لقيتهم فى البيت بيقولوا
طيب نبقى نكمل الباقى لما نقبض الشهر الجاى
قلت ليه هو المرتب خلص يوم ستة
طيب
رمضاااااااان كريييييييييم
حقيقى الله يعين اى اسرة بمصر مهما كان دخلها و مهما كان امكانياتها .. لازم حتتاثر بشهر زي ده.. صدقتى لا مية و لا الف و لا مليون
الله يعين
كل سنة وإنتو بألف خير
والله المستعان بجد
لسه ما بقيتش عروسة عشان أشيل الهم
و بالشكل ده
أنا مش عاوزة أتجوز
يعني هو بابا هيقول لأ
ولا هما يعني واقفين طوابير ؟؟؟
لأ.....كتر خيركم والله
الله المستعان
حاجه تتطهق وتجنن وتخنق كمان
بس ابو جمال يعني مش هيسكت سيناضل ويطالب الحكومه بتخفيض الاسعار
تحياااتي
تعالي بقى عشان انا سبت لك تعليق طوييييييييييييييييل على تعليقك
بالمناسبة انا ما قلتش عليكي منفضة لي انا كنت اقصد العيال اللي اتصلت بيهم في التليفون
بس والنبي شوفي تعليقي وردي عليه
احنا شعب له الجنة على اللي بيحصل فيه ده
كل سنة وانتي طيبة...رمضان كريم
Post a Comment