لية كل الجمال اللى فحياتنا لازم يتهد ؟؟؟؟؟؟؟؟؟؟

سرايا جدو هتتهد
؟؟؟؟؟؟
أرسلت جدتى فى طلبى وأبلغتنى بين دموعها أن سرايا أبوها جدى الكبير هيهدوها وبما أننى خارج دنيا العائلة نظرأ لأنشغالى الدائم بالجلسات وعملى وأولادى لذا فوجئت


معقولة يا تيتة سراية جدو هتتهد (هكذا يقولون عليها )


وشجرة الياسمين التى تعطر برائحتها الشارع وعمارتنا الكائنة أمام السرايا والحديقة ذات الأشجار الباسقة الرائعة الجمال التى يتسلل أبنى اليها مع أصدقائة ليلا ونهارا ويحكون الحكايات ويؤلفون القصص عن عفاريت وشخصيات وهمية تتجول بها ليلا ونحن جميعا نضحك عليهم ونتركهم لأحلامهم ومغامراتهم


بيت جدو هيتهد ؟؟؟؟؟؟؟!!!!!!!!!معقولة يا تيتة ؟؟ ولية ومين


وفوجئت بالأجابة عمك يا بنتى هو اللى أشتراها وهيهدة ويعملها عمارة لية ولولادة


وأمسكت بالهاتف لأحادث عمى الذى يقطن الشقة تحتنا فكلنا عائلة نسكن فى نفس العمارة


لية يا عمو كدة أنت مش محتاج عمارات هتهد لية فيلا جدو ؟؟


ضحك بشدة ورد أنا أشتريت الفيلا دى ب نص ميون جنية بدل ما غيرى يشتريها وبعدين لأمتى كانت هتفضل يعنى دى بقالها سنين وسنين


طيب ياعمو أبنيها تانى وجددها وعيش فيها


أنتى بتهزرى يابنتى دى تعمل عمارة 10 أدوار ومساحتها كبيرة جدا ويتعمل تحتها 10 محلات ؟؟؟


سمعت بهدوء ولم أستطع الرد هو صح أنا غلط ولأول مرة أكبر فتيات العائلة والكوم الكبير ع رأاى بابا تطلع غلط


ضحكت وبكيت !!!!!!!!!!!وعدت لمنزل تيتة ونظرت لها وعيناى تحمل من الدموع الكثير


بيت جدو هيتهد ؟؟؟؟؟؟؟؟؟؟؟


ورجعت لمنزلى وقابلتنى أبنتى وسألتنى فية أية ؟؟وحكيت لها فنظرت لى غير مصدقة ثم بهدوء أجابتنى


ياماما البنى أدم بيقع ويتهد وتموت معاة كل ذكرياتة وأحلامة وأفكارة يبقى بيت جدو مش هيتهد دة حال الدنيا


ومشت خطوات ثم عادت تقول


بس تعرفى ياماما أصلا السرايا دى لو بنى أدم كانت هى اللى طلبت أنها تتهد ؟؟أصلها شئ جميل قوى ضمن منظومة قبيحة قوى


وأستشعرت الحقيقة تستطع بداخلى


وخرجت للبلكونة ونظرت للسرايا وحولها العمارات والمسلحات والشوارع الضيقة قلت فى سرى


فعلا سراية جدو لازم تتهد