شوفولى قوام عريس

اليوم الاول

أبنى 10 سنوات :ماما صباح الفل يا جميل

أنا:صباح النور ياعمرى
أبنى :هو الضهر أذن

أنا:أيوة يا حبيبى

أبنى: حرام عليكى ياماما أنا قلتلك أمبارح تصحينى بدرى عشان التمرين فاتنى

أنا:وانا قلتلك يا عمرى أنا مبصحيش حد أعتمد ع نفسك أضبط المنبة أو موبيلك وصحى نفسك

طب شكرا يا ماما ميرسى ليكى كتير

يتسلل خارجا من غرفتى

أبنى :تيتة تيتة هو لية محدش صحانى عشان التمرين ؟

والدتى :عشان أمك حلفت لو حد صحاك هتولع فالبيبت وأللى فية
هههههههههههههههههههه

ودة فعلا اللى حصل !!!!!!!!!!!!!!!

ماما وأنا وأولادى وعائلتى
المربع الجهنمى

أبنتى 14 سنة :ماما عاوزة أتغدى

أنا :حطى لنفسك الأكل فالمطبخ ميعاد الغدا عدا خلاص

أبنتى:أوكى

أبنتى :تيتة حطيلى الغدا عشان عندى دروس

والدتى :لا مامتك قالت لو حد عملها الغدا هكسر البيت

هههههههههههههههههه

((ولا تقل لهما أف ولا تنهرهما ))

المعادلة صعبة مع والدتى جدا ولا أجد لها حل سنين وسنين بدرس صحة نفسية وأشتغل مع حاات صعبة وتعديل سلوك ومش عارفة أتصرف مع والدتى

نضفى يا حبيبتى أودتك !!!!!

تيتة نضفتها ياماما

شيل ياحبيبى هدومك من الأرض !!!!!!!

تيتة شالتها ياماما

أطفى التليفزيون قبل ماتنام

تيتة طفيتة .................الخ

طيب بصوا بقة هولع فالبيت لو حد عملكم حاجة وهكومكم ع باب سلم العمارة ولا حد هيسمع صوتكم ولا يقدر يقربلكم سامعين وهتجوز وأسيبكم تعيشوا لوحدكم 0(أسمع ضحكات وهمهمات أفهمها جيدا ) هتعملوا أية أنشاء اللة لو تيتة سافرت مفيش ديمقراطية ولا حوار ولا صحة نفسية كل’ أممتة أتلغى خلاص بح أعتمدوا ع نفسكم ورتبوا حياتكم صح عيشوا منظمين بنفسكم سامعين

سكوت فالبيت كلة ولا حد بينطق

اليوم التانى

ماما

نعم يا حبايبى

تيتة مسافرة تعمل عمرة وحج

يا دى المصيبة ............اسفة يادى البلوة ...............برضة أسفة قصدى مبرووووك بس مين اللى هياخد بالة منك ,وانا فالشغل ويصحيكم بدرى للمدارس ويستنى الأتوبيس ويعمل السندويتشات ؟؟؟؟؟؟

مين اللى هيحطلكوا الأكل ويغسلكم مع الشغالة أم أيد طويلة الهدوم ؟؟؟؟؟؟؟؟

مين هيعزم العيلة وعيلة العيلة فرمضان؟

مين هياخد بالة من جدكم؟؟؟؟؟؟؟؟؟

مين هياخد بالة منكم ؟؟؟؟؟؟؟؟

يغمز أولادى كلاهما للأخر ويرددون

أحنا هنعتمد ع نفسنا ياماما متقلقيش خليكى فشغلك

,اردد فى عقلى يبقى لا هتاكلوا ولا تشربوا ولا هتلبسوا

أسمعوا قولوا لتيتة ماما هتروح تتجوز ؟؟؟؟؟؟؟؟يمكن تغير رأيها ومتسافرش ولا أقولكم بلاش خليها تسافر حرام بلاش أشيل ذنبها ؟؟؟طب قولولها تعمل عمرة بس وبلاش حج؟؟؟؟؟؟؟؟؟

صحيح !!!!!!!!!!

شيزوفرانيا

أولادى يقهقون بصوت عالى جدااااااااااااااااااااا

هههههههههههههههههههههههه